مقالات
أخر الأخبار

‏من هم ولاد الأصول 

ابحثوا عن صداقه ولاد الأصول

كتبت ريهام طارق 

بقيت ادور في وسط كل معارفي وصحابي على صفة مكنتش فاهماها زمان

‏دايما كان أهلي ينبهوني لها ، صفة اسمها ولاد الأصول

‏الصفة دي كانت زمان بتتقلى وانا مش فاهمه معناها ‏مكنتش قادره افهم يعني مثلا

مستواه المادي عالي ؟

ولا مستواه الثقافي عالي ؟

ولا مركز اهله كويس !!!؟

ولا كنت عارفه اقارنها ب صفة الطيبة مثلا او الجدعنه او اي صفة واضحة .

‏كانوا دايما اهلي يقولو لي اختاري الناس اللي تتعاملي معاهم لما كبرت عرفت انها صفة مهمة اوي وغاليه اوي وعرفت معناها الحقيقي

‏ولاد الأصول يعني أهله ربوه صح ، ناس بتعرف الأصول اصلهم نضيف

‏ فيه بعض الناس فاهمين الكلمة دي غلط ان معناها معاه فلوس غني بس للاسف فرق كبير اوي من كلمة معاه فلوس و ابن ناس فرق السما من الارض

 

عرفت أن إبن الأصول مهما يزعل يراعي السنين العشرة والعيش والملح ومش ناكر للجميل أقصى ما في زعله ممكن يعمله انه يبعد عشان لا يؤذي ولا يتأذى …

 

‏إبن الأصول معاك في الوحشة قبل الحلوه

إبن الأصول يقدر يعني ايه عيش وملح

ابن الناس يحبك لشخصك

ابن الاصول لا يقبل إهانة كرامته

ابن الاصول يبيع الدنيا و يشتريك دوروا على ولاد الأصول في اللي حواليكم وحافظوا عليهم و اشتروهم بكل اللي تقدروا عليه عشان قيمتهم غالية أوي الأيام دي لأن وجودهم نادر

 

الخلاصة من الكلام دوروا على ولاد الناس و صاحبوهم.

 

 

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى