تصدرت الإعلامية بسمة وهبة تريند جوجل بعدما نشرت مقطع فيديو لها، عبر حسابها الشخصى، بموقع الصور والفيديوهات إنستجرام، أثناء خضوعها لعملية جراحية.
وأعربت بسمة وهبة في الفيديو عن استيائها من الحسد، ومن الذين يظنون أنها كإعلامية دائما في سعادة وسفريات للتنزه، مؤكدة أن الصور التي تظهر فيها كسعيدة من الممكن أن يكون خلفها الكثير من الأحزان.
وعلقت بسمة في الفيديو قائلة: “الواحد بيبقى عامل زى الخروف، خروف داخل يدبح والله، يا رب يا كريم، يا رب يرحمك يا وفاء”.
وأضافت: “واحدة معرفة اتصلت بيا فمردتش عليها راحت بعتالى رسالة بتعاتبني فقلت لها معلش مش قادرة أتكلم لما أقدر حكلمك، راحت ردت عليه قالت لى آه مانتى مشغولة صحيح كل يوم في بلد وبتتفسحي، فعاوزه أقولها هى واللي زيها، إن أي صورة على السوشيال ميديا حلوة، وراها أوقات وحشة وأى صورة فيها سعادة، ورآها أوقات تعاسة وألم، صحيح ممكن أكون مسافرة بس بعمل عملية، ممكن أكون مسافرة وفى عملية وفى البنج وحزينة”.
واختتمت: “لأن صاحبتى ماتت قبلها بيومين حتى وأنا في البنج وتعبانة حزينة عليها وبدعيلها، وممكن أكون مسافرة أتعالج مش أتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو ما يضايقك إيش يعنى، أحب أقولك أنت واللي زيك ربنا ما يحكم عليكي يا بنتى باللي في الواحد، وإحمدى ربنا إنك مش مضطرة تسافرى عشان تلاقى حل لمرض نادر، من فضلكم إرحمونا وسيبونا في حالنا وبلاش حسد، أنا صاحبتى وفاء ماتت من الحسد”.
