صاحبي منافق قدير واخد أوسكار عن قلبه العليل
صاحبي منافق قدير واخد أوسكار عن قلبه العليل
تخيلوا كده لو كان ربنا خلقنا كنا بنسمع اللي يدور في عقل اللي قدامنا وكشف لينا نواياه من ناحيتنا اعتقد اننا كنا انقرضنا قبل عصر الديناصورات.
من لطف ربنا بينا أنه غطي بصيرتنا علشان نعيش مرتاحين والرسول عليه الصلاه والسلام وصانا نتعامل مع الناس بـ اللي بنشوفه منهم ولا نسيئ الظن بحد ودا مش علشان يميز الشخص دا أو يغطي عليه لا دا علشان قلبك أنت يستريح كتير ناس في حياتنا عايشين في دور أنهم اقرب الناس لينا أو اعز صحابنا أو بيتمنوا لينا الخير وهما قلوبهم مليانه سواد وغل وحقد وكره.
هما فقط إللي بيتعبوا لأن النفاق والكدب في حد ذاته محتاج مجهود كبير وضغط عصبي عشان يقدر انه يداري ادامك الزفت اللي جواه لكن أنت فل اوي كدا.
خلي إللي بحبك يحبك واللي يكرهك يكرهك واللي يتكلم في ظهرك وحش يتكلم اوعى تفكر ولا تضيع دقيقة من عمرك ولا تحرق طاقتك وانت بتقول ليه… أنا عملت ليهم ايه…دا ماشفش مني غير كل خير… جزاء طيبتك وحسن نيتك مش هيضيعوا عند إللي خلقك لكن هما يعيشوا ويموتوا في البوم مش بيعرف يعيش غير في سواد قلبه صعب يعيش في نور يتحرق و يعمي