ربنا ينور بصيرتك
كتبت: ريهام طارق
عمرك فكرت في الجمله دي لما اتقالتلك هو يعني ايه ربنا ينور بصيرتك؟
من كرم ربنا علينا إنه يجي في لحظة ما يرفع لنا الغطاء عن نفوس اللي عايشين حوالينا
يحطك في محنه صعبه تفتكره إنه بيختبرك إنت !!
فتكتشف انه عايز يفرجك على معدن وقلوب الناس من ناحيتك ..
زي ما يكون بيعمل عملية إفاقة بصيرتك
تلاقي ناس بتنور ادامك قدامك و ناس بتطفي
ينور ناس و يزيدهم نورا وتكتشف حبهم وإيمانهم بيك ووقفتهم جمبك
ويطفي ناس قدامك متشوفش غير سواد قلوبهم وحسدهم وحقدهم وغيرتهم منك وكرههم ليك وهما إللي عاملين طول الوقت حبايبك ودايما تتظاهر بما لا يمت بصله نهائيه للي جوه قلوبهم من ناحيتك
إيه في إيه اتخضيت ليه أيوة هم كدة فعلا
فرصتك تنضف حياتك و تعيد ترتيب الناس فيها
و أوعا تزعل من إللي بعد أو إللي مشي
بالعكس دي رحمه من ربنا انه نور بصيرتك و شال من حياتك شر الناس المنافقين
وسلط الضوء علي الناس إللي تمسك فيها وتفضل جنبها
ربنا سبحانه وتعالى يهذبك ويعلمك وبينضف حياتك
الغباء انك متتعلمش وتكمل في ظلمتك
ودايما خد رسايل ربنا دايما منبه بيفوقك اقراها وافرح واقول ربي ميزني ونور بصيرتي
اللهم نور بصيرتنا جميعاً.
