كتبت: ريهام طارق
الونس كلمه معناها كبير عالم واسع يتوهك
مهم أوي الونس في حياة البني آدم .
مهم أوي لما تكبر تلاقي ونيسك… وحبيبك…وليفك جنبك تلاقي نفسك مش لوحدك.
لما بشوف اتنين كبار في السن ماشيين مع بعض بحب شكلهم أوي بتشدني نظره الحنيه في عنيه بعشق لهفتها وخوفها عليه.
بسكت لحظة أسرح وأحلم إني لما اوصل للعمر دا يكون معايا ونيسي ووليفي مش حابه اكون لوحدي.
جرب تقابل حد يحبك ويعيش معاك وهو مالي عينك وقلبك
جرب تلاقي الشخص اللي تتفق معاه وتكمل الناقص إللي جواه وهو يملأ حياته بوجودك معاه و يستغني عن كل العالم بحبك تقدروا تعملوا حياه كامله بدون اي شركاء أو دخلاء.
جرب تلاقي اللي يطلع أحلي ما فيك ويظهر جمالك إللي جواك مش يحسسك بقيمتك و أهمية وجودك في حياته
يخليك تشوف جمال روحك ويكون سند وضهر وامان
الفكره انك تلاقي إللي ينور روحك تلاقي إللي يفهمك من غير كلام واللي يفضل يحبك وخطوط الزمن بدأت تترسم علي وشك
يوم ما تلاقي كل دا…مبروك لاقيت ونيسك
الحب احلي حاجه في الدنيا…الحب جنه ربنا على الأرض
. لو ملقتوش… فأنت خسران م
ش كسبان
