حصل ، على إعترافات نبوية أنوش، صاحبة قناة يوميات أنوش على تطبيق اليوتيوب ومواقع التواصل الإجتماعي، وذلك قبيل إصدار المحكمة الإقتصادية الحكم عليها، اليوم الأحد، بعد توجيه لها تهم نشر الفسق وإظهار مفاتنها لجلب المشاهدات.
وقالت أنوش في التحقيقات، أنها أنشأت قناة على اليوتيوب، لتسجيل عليها الروتين اليومي، قائلة “عملت القناة علشان أعمل عليها الروتين اليومي وأظهر جسمي علشان أجيب مشاهدات”.
وأوضحت أنوش في التحقيقات، التي ينشرها ، أنها بدأت حياتها في الخياطة، وكانت تعمل منذ صغرها لمساعدة أسرتها على أعباء الحياة، حتى تزوجت عام 2012 وكانت تعيش حياة زوجية صعبة.
وتابعت أنوش في التحقيقات “عملت صفحة على الفيس بوك، من حوالي 5 سنين، وهي صفحة أسمها نشوى جمعة وأنا قفلت الصفحة ديه من سنتين، بعد ما بنتي اتوفت قفلتها ومكنتش بخش عليها”
وتابعت أنوش ” عملت في شهر نوفمبر لسنة 2021، والفكرة جاتلي لما فتحت اليوتيوب وشوفت اللي بيعملوا اليوميات، فأنا قولت اشتغل وأعمل زيهم وأجيب مصاريف لأن القنوات ديه بتكسب فلوس، لأن أنا كنت بشوف إن أصحاب القنوات دول بعد فترة بيغيروا شقق وبيغيروا ملابس وبيبان على شكلهم إنهم كسبوا فلوس من خلال المشاهدات”.
واستطردت أنوش “أنا اخترت اليوميات وأسرار مطبخ بس كان عندي تحفظ على اليوميات، لأن الستات فيها كانت بتطلع بشكل شبه عريانة، فأنا قولت اشتغل في اليوميات بحرص لأنها بتجيب مشاهدات أكثر من قنوات الطبخ، وأكون واخدة بالي من لبسي وما أبينش أجزاء من جسمي، فأنشأت 3 صفحات على اليوتيوب، وأول صفحة اسمها عالم نشوى، وأنا اللي قمت بإدارتها في شهر 11 لسنة 2021، وأنا كنت فيها بطبخ أكلات عادية، وأنشأت الصفحة ديه عشان أزود دخلي لأني قاعدة في البيت وكنت عايزة حاجة تشغلني بعد وفاة بنتي، لكن صفحة الطبخ مجابلتيش فلوس، عشان مكنش عليها مشاهدات، ومكنش فيه حد بيشاهدني وكنت بحاول أزود مشاهدتها بس معرفتش، فعملت درعين واحد يوتيوب وواحد تيك توك بنفس اسم الصفحة عشان الناس تفتكر إن أنا مشهورة وأخش أزود المشاهدات، وقولت هعمل الروتين اليومي وأحاول أبين جسمي عشان أجيب مشاهدات وده اللي حصل”.
