![تصريحات الرئيس السيسي خلال افتتاح مشروعات الانتاج الحيواني بالمنوفية](https://youmgdeed.com/wp-content/uploads/2022/06/الرئيس-السيسي.jpg)
افتتح الرئيس عبد الفتاح السيسي مشروعات الإنتاج الحيواني، والألبان، والمجازر الآلية، من مجمع إنتاج الألبان بمدينة السادات بمحافظة المنوفية.
المجمع يهدف إلى تنمية الثروة الحيوانية من خلال التحسين الوراثي للسلالات المصرية «لحومها وألبانها»، وتبلغ الطاقة الاستيعابية للمجمع 5 آلاف رأس حلاب وطاقة إنتاجية تبلغ 5ر1 طن لحوم حية دورة ونحو 3 آلاف رأس تسمين على مساحة ألف فدان.
يضم المركز العلمي مستشفى بيطريا، ومبنى للولادة وآخر للتلقيح الصناعي و6 مزارع فرعية و5 حلاب ومزرعة تسمين على مساحة ألف فدان، بالإضافة إلى توفير الأجهزة والمعدات الخاصة بحفظ الألبان ونقلها، بخلاف محطة معالجة مياه الصرف الصحي الآدمي بطاقة 100 متر مكعب / يوم،كما يضم المركز محرقتين للتخلص الآمن والصحي من المخلفات البيولوجية، بجانب مجرشتين بقدرة 10 أطنان / ساعة لجرش الحبوب وتجهيز الأعلاف و7 آبار ارتوازية.
وجاءت تصريحات الرئيس السيسي كالآتي:
الرئيس السيسي: عضمنا لسه منشفش ولما تلاقوا دخلنا تريليون دولار حاسبوني
قال الرئيس عبدالفتاح السيسي، إن الدولة المصرية استطاعت تجاوز أزمتين كبيرتين وهعما جائحة انتشار كورونا وأزمة روسيا وأوكرانيا، والأخيرة تأثر العالم بها بشكل كبير.
وتابع الرئيس: «فضل كبير من ربنا إن إحنا أزمتين كبار، سواء كورونا أو الأزمة دي كان لها تأثير كبير جدًا على العالم كله.. وإحنا لسة عضمنا منشفش، عضمنا ينشف لما تلاقوا دخلي تريليون دولار في السنة».
وأضاف: «لما تلاقوا دخلي تريليون دولار حاسبوني، غير كدا لسة بدري وكلنا نحلم ونجري على حلمنا ده.. أنا بنام وأحلم بالتريليون وعشرة تلريليون وليس ذلك ببعيد عن الله سبحانه وتعالى».
الرئيس السيسي: أجلنا زيادة أسعار الكهرباء للمرة التالتة علشان ما نحملش على الناس
وأكد الرئيس عبدالفتاح السيسي، أن الأسعار فى مصر تقل عن مثيلتها في بعض الدول الغربية، قائلا: “عاوز أقول للمصريين خالوا بالكم المفروض الأسعار في مصر تبقا أكتر من كده بكتير، وأنا والله مش بقول كده بجامل الحكومة، والنهارده الدول الغربية من ضمن معايير التضخم لا يزيد عن 2 %، وهذه ثوابت عنده سنين كتيرة بكل المتغيرات الدولية، وهناك بعض الدول سجلت 5 و9 و %11 بتتكلم عن دول غنية ومستقرة وتسعير وحوكمة وسلاسل توريد ومعندهاش النمو السكاني، وفيه دول بقالها 40 سنة عدد سكانها مزدش، حصل عندهم تضخم نتيجة الحرب تضخم وزيادة في الأسعار”.
وأضاف الرئيس السيسي: “لو كان تكلفة الطاقة في مصر اتعاملنا بيه طبقا للأسعار العالمية كان حصل قفزة كبيرة جدا في التكلفة، بمعنى أن اللى بينقل منتجاته داخل مصر ما زال بيدفع تكلفة وقود 50 % وأقل من 50 %لتر البنزين بـ 2 دولار يعنى 40 جنيها”.
وتابع : “بقول ده للمصريين علشان يعرفوا أن الواقع اللى عندنا ده اقصى حاجة ممكن نعملها لضبط والسيطرة على الأسعار، طبقا للى حصل في العالم النهارده بتكلم عن برميل البترول 120 دولارا طيب لو بقا 150 دولارا؟
وقال السيسي: “حريصون على أن نجعل أسعار الوقود والطاقة.. الكهرباء مش خدتوا قرار متزودوهاش، اتكلمت مع الدكتور مصطفى دى 3 مرة نأجل البرنامج علشان منحملش على الناس، بتكلم على 17 مليون مشترك بتدفع أقل من 50 % من الطاقة، مش بقول كده إن الدولة بتمن على شعبها، لكن بنحاول نخلى فاتورة الأعباء على الناس ما أمكن مناسبة.. برنامج الكهرباء لتالت مرة ناجلوا مع أن تكلفة انتاج الكهرباء زادت والغاز اللى بيستخدم في الكهرباء زاد، الهدف من النقاش أن كان الأول 5 دولارات للوحدة دلوقتى بنتكلم في 21 دولارا، وكانت أقل من تكلفتها بتباع للناس طيب لما بقت 214 دولار تساوى كام؟.
وأكمل الرئيس السيسي: “بسجلوا للدولة أن ده اقصى حاجة نعملها علشان الأسعار متقفزش والحفاظ على محدودي الدخل.. بره الطاقة زادت الحاجة تزيد وتسمع في كل المنتجات ووسائل النقل، إحنا هنا معملناش ده، ولو مكنش ربنا وفقنا خلال السنين اللى فاتت في 10 مليارات البتلو صدقوني كان تمن الحاجات زاد عن كده “.
الرئيس السيسي للمحافظين: طوروا الأسواق التجارية
وجه الرئيس عبد الفتاح السيسي، المحافظين بضرورة تطوير الشكل الحضاري، قائلا: ” رأيت صورة الأسواق التجارية، وأنتم تحصلون على الأموال من المواطنين عند دخولهم تلك الأسواق، فكيف نتركها بهذا الشكل؟”.
وشدد الرئيس على ضرورة تنظيف وتنظيم تلك الأسواق وتزويدها بمظلات واقية من الشمس، وكل هذا من الأموال التي يتم تحصيلها من الناس، فلا يجب أن يكون المنظر بهذا الشكل، مضيفا: ” لابد أن تكون أعين المواطنين معتادة على رؤية المنظر الحسن وأن يكون التنافس بيننا من أجل مصلحة المواطنين”.
4 تعليقات