أخبار

أبرز تصريحات الرئيس السيسي في عيد الشرطة 71

تصريحات الرئيس السيسي اليوم حملت عددا من الرسائل الهامة للمواطنين في مصر، وذلك خلال الاحتفال بعيد الشرطة 71، منها الحديث عن التخلص من الإرهاب في مصر، وأخرى حول الأوضاع الاقتصادية والمشروعات القومية التي تقوم بها الدولة.

وجاءت أبرز تصريحات الرئيس السيسي اليوم كالآتي:

  • يجب ألا ننسى الحالة التي كنا فيها خلال السنوات العشر الماضية”، مضيفًا: “لو تمكنوا منا كانوا سيذبحوننا؛ ولكننا استطعنا القضاء على هذه الموجة الإرهابية بنسبة تقترب من 100%”
  • يجب ألا نضيع الجهد والدم الذي بذل خلال السنوات العشر الماضية لمواجهة الإرهاب في نفس الوقت الذي كان هناك أناس آخرون يعملون ويكافحون لتغيير حياة المواطنين.. تذكروا تضحية أبنائكم وأن البلد ما بتقفش أبدًا
  • العريش شهدت نزول أول طائرة بعد 8 سنين احتفالا بالقضاء على الإرهاب، مستطردًا:”لازم نؤكد قدرة الدولة على أن مافيش حد يقدر يأخذ أرض أو يسيطر عليها”.
  • الحديث عن الشهداء مناسب في كل وقت وعيب علينا لو نسيناهم.. ولازم نفتكر دائما إن مافيش إرهاب”.
  • لازم نبقى واثقين في الله وفي أنفسنا خلال تلك الأزمات، إحنا صبرنا كثير علشان مندخلش صراع مع حد ولكن لم ننجح.. مش احنا هما اللي منجحوش.. محدش يقدر يهزم دولة.. ولا يقدر يهزم شعب
  • لازم نصمد ونراقب الظروف اللي مكناش سبب فيها.. احنا بنحاول بكل ما أوتينا من قدرات إننا نحاول إن الأزمات دي متأثرشي على الناس
  • ليا عتاب على الإعلام.. انتوا ليه بتصوروا المصريين على أنهم مرعوبين على الأكل والشرب.. ميصحش كده والله، وكأن الدنيا والحاجة زادت.. مش بقول إنه مش صحيح، بس ده مش آخر الدنيا في مصر.
  • هتكلم على ما يتردد بأن الأزمة سببها المشروعات القومية.. وهسأل يا ترى، هل ممكن قناة السويس اللي كان دخلها 4 ونصف مليار دولار، منطورهاش، ويبقى دخلها السنادي 8 مليار دولار، ولا نستفيد من التجارة العالمية؟.. هل الرقم ده جنب الرقم اللي تم بتطوير القناة ساعتها، يعتبر رقم كبير
  • أزمة الكهرباء والطاقة اللي كلنا فاكرينها، على الأقل صرفنا 1.5 تريليون جنيه، هل ممكن الدولة المصرية تستمر.. إحنا زدنا 14 مليون نسمة، هل كان ممكن منعملش تطوير عشان الزيادة والتنمية… فيه محاولات دائما لتضليل الناس وياخدوهم في حتت تانية خالص، أنا واثق في الناس
  • هل كان ممكن الموانئ المصرية يكون لها دور في التجارة العالمية؟ موانينا في مصر متكنش جاهزة للتطوير والتنمية، هل شبكة الطرق والنقل اللي واصلين لـ2 تريليون جنيه، هل كان ممكن نسيبها كده… اضطرينا نعمل كل حاجة، مكنش عندنا ترف نقول أولويات، ووالله ما أقصد حاجة، كل الملفات كانت محتاجة جهد عشان البلد تستطيع المواجهة
  • طب لو الشبكة مكنتش اتعملت، كانت الناس هتمشي إزاي؟ مش بس في القاهرة والإسكندرية، مكنش عندنا سوء تقدير في الموضوع ولا ترف في الموضوع، بس خلي بالكم، حجم وقدرة الدولة أد إيه، عشان يتعمل في مدة 7 سنين
  • أطلقنا مشروع حياة كريمة من سنة ونصف وقلنا نستهدف نخلصه من 3 سنين.. عايزين نغير حياة 60 مليون بني آدم في مصر، مكنش ده ترف أو مبالغة، مكنش ينفع نسيب حياة الناس ونقول الخطة تتعمل في 20 سنين، قلنا 3 سنين، حطينا رقم كبير، ولما نزلنا قلنا محتاجين وقت وفلوس أكتر، طب هل كان ممكن نأجل أو يتعمل على مراحل على سنين طويلة، كل يوم بيعدي بدون ما تعمل تطوير، فيه ناس بتتعذب.
  • بتكلم على مشروعات كان لازم تتعمل، بالمناسبة مبخشش معاكم في تفاصيل كتير، الدكتور شاكر موجود، عايز أقولكم عشان نطور قطاع الكهرباء، مكنش بس الهدف أعمل محطات جديدة، كان لازم أجدد الشبكة وأعمل شبكة جديدة، اضفنا ضعف الشبكة مرتين، طيب النقطة التالتة، انت بتقول عايز تبقى مركز للطاقة الكهربائية، إزاي تعمل ده وانت الشبكة عندك غير مؤهلة، كان لازم يبقى عندي طاقة مناسبة وشبكة ومحطات للتحكم في الشبكة دي بالكامل
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى